一起交通事故的后续

如题，我想讲嘎系一单交通事故处理之后嘎事。

今日系个坏日子，有个好友今日起长宁出车祸，开头朋友怕对方系外省人，会诈死等D同乡来闹事，就报交警了。不过最终双方都决定私了。

好死唔死，就系哩个报警，两边车都俾人拖走了（睇到哩度大家觉得好正常，咁事实上的确系要拖车）

但系，当大家销案了，去摞车嘎时候，扣车场话要收费630大洋嘎拖车费同停车费。

当时就火起了，扣车场距离肇事现场只不过寥寥数公里，而起扣车场里面明码标价写出嘎就只有停车费，拖车费就只字冇提。

所以朋友当时就上去理论：600蚊拖车费系按边个文件定价嘎，有咩收费规定，俾钱你有冇发票摞翻。

结果对方好冷淡咁讲：你俾钱就系，发票可以有，下个月过来摞。（估计唔知到时又会起边个单位整张唔关事嘎发票来了）

碍于急住要用车，最后都系妥协交佐拖车费。

到时1号过去摞发票，假如唔系停车单位发票，朋友就话：你等住上今日关注啦！！！

哩件系今日发生起长宁嘎黑仔事件，唔知起园洲发生又会系点样嘎剧情，估计有人会经历过哩D任人宰割嘎事。

祝各位车主注意行车安全，一路平安。远离交警，防止老屈。