清远牛仔谷自驾两日游

liuzilin

某日逛美团，见到清远牛仔谷有个团购1118rmb包含5间景区里面的双人房、10人漂流、探险、镭射枪射击、游泳、金鸡岩游览门票，觉得好似好抵玩。于是就心血来潮，组织佐一次家庭活动，集合3个家庭12个人，剑指清远，凉爽一番。（假如唔介意，可以订一个236双人套餐团购，再买两张漂流券68蚊/张，然后偷偷地4个人一间房，可以省出一间房。只不过就少佐玩CS同金鸡岩，而金鸡岩咁啱最近景区个岩洞塌了，哈哈！！）
好了，分享一下行程啦~~~
Day 1
早上8点钟由园洲出发，全程高速大约2.5小时可以到达牛仔谷。
第一步，当然就系要去酒店（牛仔客栈）Check in 啦！，然后就去游客中心取票。由于已经同美团商家联系安排好，所以好快就搞掂了。而多出两个人嘎钱，起游客中心补上就OK了。
刚刚坐完车，难免有D疲态，所以最好就来个刺激D嘎活动，亢奋一下神经，去野战俱乐部度玩翻场CS。虽然镭射枪冇彩弹枪咁好玩，但系起竹林里面追逐枪战，亦不失刺激。但系有个温馨提示：喷蚊怕水。竹林里面好多蚊，如果唔喷，企一阵你就会俾蚊围上了。

稍作休息，大约12点，就换好漂流装束出发去“探险”，讲就系探险，其实系去上里面玩。最好带埋啤酒零食面包上去，顺便当野餐，点解要咁做？睇图片啦，可以一边玩水，一边浸啤酒饮（水好凉爽），试想一下俾流溪水冲住背，左手摞住只炸鸡髀，右手拎住罐啤酒，系几咁soft啊。。。但系，最紧要系将尽兴后嘎垃圾带走，唔好污染一个咁靓嘎地方。（防水手机套系必备啊）

玩到大约一点半，漂流噶边都开始了，但系我建议唔好第一批落去，咁会少好多人玩。所以我地泡山溪水玩到两点几先落去，虽然漂流起点就在探险入口旁边，但系我地都系开车落去游客中心再搭车上来，因为怕玩得耐，到时落去之后超过结束时间，就冇接送车上去了，虽然麻烦，但系比较保险。讲翻漂流，老实讲，系全人工制成的，据介绍系6.x公里，具体百度。整个漂流大约有五六个比较刺激嘎地方，两条黑麻麻嘎隧道，有一个好平好大嘎玩水区。当然，肯定冇黄腾峡嘎勇猛漂咁刺激啦，但系家庭乐，足够了。漂流加玩水大约80分钟，假如你一下冲落去，可能三四十分钟就结束了。（防水手机套系必备啊）

玩完漂流，就紧系要吃饭啦，因为我睇人地评论话沿路入来嘎农庄比较贵，所以我起市区（约12公里）团佐个四百几蚊嘎12人套餐，10菜1汤送点心水果，12个人，饱晒。然后就翻客栈各种打麻将、斗地主、开劈~~~~~~~~
Day 2
由于金鸡岩景区里面嘎岩洞前排落雨塌了，而且天气都唔太好，又搵唔到觉得适合嘎景点，就训到自然醒，打道回府了。。。
图片只不过系节选，真正去玩，会比图片上见到嘎爽得多。希望哩个小小嘎分享，可以为想出行嘎同志们提供翻DD参考~~~

liuzilin

沙发自己坐···

鸿仔烧烤

好日子

白虎

不错！图文并茂！赞！

白虎

最后的合照好突别！

奶牛之霸

超赞，可惜无跟去！！

DJCanny

请问  1118蚊系12个秂的费用?  是咩费用?

麦子

幸福一家游喔

籽铃

老同學，估唔到你甘識精打細算哦，平均每人才100多玩兩天，唔錯
點讚10086

细勇

里度朋友上个月跟我说一百块钱一个人但不包过夜，觉得里度五错，除里度清远还有很多地方都好好玩噶！！

路飞

其中有个好像是我同学！！！

kedi

好像不错哦

OK组合

一体就知道5好玩啦，果D水好似泥水甘体到都怕，5好话落去玩。

太疯癫

看上去几清凉，趁天气还有点热，及时行乐

liuzilin

DJCanny 发表于 2014-8-15 01:24
请问  1118蚊系12个秂的费用?  是咩费用?

你去美团搜“牛仔谷”慢慢睇