推荐[原创]园洲社区赛事盛放

东江晨曦

2008-02-06

今日，一场策划已久，由导演担岗筹备，由园洲社区主办，园洲李宁承办，休闲一刻和四季茶茗协办的第一届“园洲社区贺岁杯”跑马大赛在园洲未来跑马场隆重举行，马寒即将开锣。今次赛事共有数十匹来自世界不同地区的参赛选手，分别有主办方园洲社区推出的大热门“电车男”和“与佛有缘”；承办方园洲李宁也推出他彼为有实力的同名主打“园洲李宁”，而协办方也不甘示弱同样派出他们胜剑在握的“休闲一刻”与及“根本太狼”，还有“首富”、“小僵尸制作巢”、“泥水佬”、“细璐籽”等也代表历届社区之星参赛，加上“罗浮侠医”、“云飘故里”、“子良”、“朗天”、“第三只眼”和“西门相公”为代表等各路精英版主团加盟上阵，当然吾少得鬼话连篇的“老树”和素有千里走单骑之称的“一棵树”了。而值得一提的是过江龙代表队的“xhghg2003

”与“Jian想飞”，所谓吾系猛龙吾过江，他们既然驾到，又岂非是等闲之辈？这场赛事可谓阵容顶盛、群雄拼起、精彩绝伦，热闹非凡，无与伦比、无与复加，不可不看。只见参赛选手们个个摩拳擦掌，争先恐后，为分个高下，势要拼个你死我活才肯摆休，究竟冠军鹿死谁手，一看便知分晓！

好啦！望望大钟，够钟入闸啦。眼见各路参赛选手都几乎入晒闸梗滞，点知果边有只马行来行去迟迟唔肯入闸。定眼一望，原来系唐伯虎点蚊香，工作人员劝极都劝吾到佢入闸，因为佢话要等秋香来睇佢比赛，见吾到秋香就唔比寒锦话。由于时间关系，无办法，裁判只好取消佢参赛资格，空缺由同样有实力嘅坚定要为祝英而战嘅梁山伯补上。经过一轮选手替换之后，参寒选手终于入齐闸啦。此时，全场观众鸦雀无声，注目凝视……一场期待已久嘅赛事随着一声震耳欲聋嘅锣声发出，倾刻间，选手们破闸而出，首先带头出黎嘅系细璐籽，哩匹马年轻力壮，耳聪目明，一瞬间已带出一个马头嘅位；紧接住嘅系电车男，佢真系好似部电车锦猛追住细璐籽后尾吾放；暂时排起第三嘅有与佛有缘、老树同一棵树，佢地几乎都系并驾齐驱；之后系根本太狼，佢好似只饿狼锦飞噙大咬，将罗浮侠医、泥水佬、园洲李宁等重重锦抛到后面；再睇睇暂时包尾嘅系休闲一刻，佢真系马如其名，休休闲闲锦，你有你拼我有我漫步。起间隙时间再讲讲哩场赛事嘅资料消息，今场比赛须要跑十圈之多，计番每圈有两公里长，即系话比赛全程足有二十公里禁长，可谓无番禁上下实力都吾敢参赛嘅，仲有系园洲社区频道会为哩场赛事全程现场直播！好啦！再睇番哩场精彩嘅赛事动向，话更快已经转入第二圈啦。睇番暂时带头嘅依然系年轻力壮嘅细璐籽；而第二位有佐变法，系势凶夹狼嘅根本太狼，一路咬住前面嘅细璐籽吾放；电车男稍微落后一D同与佛有缘排起第三位，只见两者脚步稳健，睇得出佢地无出尽全力，有意放慢脚步，不过锦吾代表佢地吾想得冠军，而正系有经验嘅佢地一惯作风——即留前斗后；紧贴第四五位嘅有与世无争、坎坷嘅猪肉佬、余情未了、国产007等一纵老手；跟住后面嘅有首富、东富、子诚、枝、期待、农民头、白色风暴同小僵尸制作巢等后起之秀，佢地个个实力都不俗，一D都吾输触比前辈，当中尤以小僵尸制作巢最为出色；再睇睇原先包尾嘅休闲一刻暂时排起倒数第二位，吾再包尾，佢已经有进步啦，都系多得依家包锦尾嘅正起原地转圈嘅旋转木马，可能哩D系佢嘅特质，转得快就几快啦，不过就系吾肯向前。好快又转入第三圈啦，带头嘅依然系细璐籽，佢比其他参赛选手快出几个马位更滞，唔知佢可唔可以一路保持哩个优势直接到全程呢？再睇第二位又有新走势啦，老树同一棵树超过左根本太狼，只见佢地拍住上，速度时快时慢，实力旗鼓相当；稍微堕后嘅根本太狼死死抢占住第四位之势唔放；电车男同与佛有缘即暂时拼列第五；紧随其后有崭露头角嘅欧阳乐、惹雨小朱同九潭阿乐搭住白色风暴同小僵尸制作巢等新秀迎难而上；跟住有过江猛龙Jian想飞同xhghg2003蜂拥而至，睇情形必有一番恶斗；包尾第一二位仲系由旋转木马同休闲一刻互相替换嘅。

随住时间一分一秒锦过去，离终点越来越近，赛程都变得越来越紧张，亦都越来越变得白热化啦！起众参赛选手你追我赶，我争你夺嘅肉博下，唔经唔觉已经来到第九圈啦，哩个系最关键时刻，胜败得失都睇哩一下啦。首先睇番原先一路带头嘅细璐籽，依家猛禁标汗，索晒大气禁滞，已经体力严重透支，渐渐堕后嘅，睇黎佢与冠军无缘啦，但系唔可以否定佢系一个好强嘅选手，绝对有前途嘅，不过可能系因为年轻缺乏参赛经验，先至会输，希望佢吸取哩次嘅教训同经验，出年再来过。再睇睇现场惊心动魄嘅激烈角逐场面，眼见各路参赛选手各显神通，努力洗出看家本领，偏偏哩个时候前面嘅小僵尸制作巢突然停低左落黎，埋头沉思，哩位参赛选手平时最钟意搞原创制作之类嘅野，可能系突然稳到灵感，所以无心恋战啦；再睇其他参赛嘅选手，只见老大电车男叉足电，加大四匹马力，一支烟锦标向终点；与佛有缘以佛法无边之力向目标进发；云飘故里洗出修练左二十年嘅传真派正宗内功，浑厚嘅内力绵绵不绝、排山倒海般涌出，直向目的地飘去；罗浮侠医嘅侠义心肠人人皆知，佢嘅大侠风范起赛场上一样系表露无遗；怀有赤子之心同天地良心嘅子良，佢嘅参赛目的已经远远超越左争夺冠军嘅思想；第三只眼嘅神通法眼早已看破红尘，不为金钱名利所动；而寂寂无名嘅无名即洗出浑身解数务求借此机会一战成名；根本太狼哩个时候已经狼到不可再狼啦；老树嘅鬼斧神工终于又派上用场，巧夺天工嘅佢几乎要吞噬整个赛场；而佢嘅劲敌一棵树正以独创嘅古墓派与潇遥派合之大成嘅绝世轻功闪电般步向终点；就起震慑人心嘅时刻，一个震撼嘅场面再次吸引住观众嘅眼球，只见果边一男一女两个身影并排住极速奔驰，由远而近斗得难分难解。原来，男嘅系男人最痛，女嘅系非男，佢地可以话系冤家路窄。男人最痛系承受住巨大嘅痛苦猛然来参赛嘅，非男即抱住为女士争光嘅重负毅然参赛，“心里头铭记住当年女英雄花木兰代父重军传为千古佳句，而今我非男绝对唔会起众男士面前折腰”，依家大家都有目共睹佢果真系巾帼不让须眉，好有女将风范；仲有从前嘅sky已经改头换面变成今日嘅玉树林风、英俊潇洒嘅朗天，所谓朗笑天下，谁与争峰；首富日夜磨练嘅精湛技艺已经达到登峰造极嘅境界，假以时日必成大器；此时，天空突然降下梅花雪，梅花点点嘅白雪漫天飞舞，气温随之急剧下降；禁啱哩个时候火小子隆重登场，佢化作一团热火，将冰雪撤底融化，将温暖注入整个赛场；阳光再次普照大地；起全场观众欢呼雀跃嘅氛围下，一股强劲嘅气流向赛场袭来，顿时，场外场内、四面八方被哩股超强劲嘅气流重重包围，原来系白色风暴在极速飞奔时产生嘅超自然旋风势要席卷全城，佢嘅速度几乎无法用当今嘅计速工具计算，在场嘅所有观众嘉宾无一不为其感到心寒，仿佛世界将要末日……